الثلاثاء 27 ذو الحجة 1435 / 21 أكتوبر 2014   
صحيفة أنباء القصيم الإلكترونية



السرعة الزائدة تؤدي إلى إنقلاب دورية مرورية ببريدة


السرعة الزائدة تؤدي إلى إنقلاب دورية مرورية ببريدة
07-07-1433 07:52 PM
أنباء القصيم - فهد العنزي : أدى تهور رجل أمن فجر أمس الأثنين في طريق النهضة بمدينة بريدة إلى حادث إنقلاب بدورية مرورية رسمية من نوع جيب ربع بعد تجاوزه منعطف خطر لتنحرف به المركبة وترتطم بعمود إنارة وتنقلب به في وسط الطريق وإصيب قائدها بعدة إصابات بسيطة ولله الحمد.

وتشير المعلومات أنه رجل الأمن فقد السيطرة بسبب السرعة الزائدة!


خدمات المحتوى


التعليقات
#16954 Saudi Arabia [الدماصي]
1.00/5 (1 صوت)

07-07-1433 07:59 PM
الحمد لله علي السلامة قدر ولطف


#16955 [وليد]
0.00/5 (0 صوت)

07-07-1433 08:06 PM
هذا اللي يجيك من العساكر اللي توهم متعيننين

سرعة وتفحيط وهجولة وغير يعاقبوووووووووووون


الى متى


#16957 Saudi Arabia [فهـــد]
0.00/5 (0 صوت)

07-07-1433 08:27 PM
يــآحبيـبي المنــحآ اللي عــند الحـــربي خطــير ومآيمر شهر الا وفيه آحد صآدم


#16962 Saudi Arabia [هشام الخريصي]
2.50/5 (2 صوت)

07-07-1433 10:34 PM
المرور يحتاج الى هيكله اداريه المفروض صغار السن مايواجهون الجمهور تخليهم عندالبوابه ومراسل وقهوجي لمين يعقل ثمن ينزل للشارع وتخلي كبار السن هم بالميدان مع توجيههم من مديرهم مباشره ويعمل جولات سريه عليهم الوضع مزري ضباط يترززون بالمكاتب والشوارع مراهقين ورع تو متخرج اكبر طموحه يشري ربع والا هايلكس العقل نعمه والله


#16964 [الباهر]
0.00/5 (0 صوت)

07-07-1433 11:07 PM
مادام مافية متابعة وكلن يمشى على السرعة اللى تناسبة وبدون تحمل مسئولية شى طبيعى ان هذا يحصل بكل سهولة

لو كان يعرف ان السيارة امانه ومسئول عنها يوم القيامة وانه مدى القسم ويجب الالتزام به لما اقدم السرعة الذى ليس لها موجب


وايضا لو كان يعرف انه سوف يحاسب ويحاكم ويودب لحرص على اتباع وسلائل السلامة وسار بالسرعة النظامية بدون تجاوز

الامور تساهيل ولا هناك عقاب منه الوضع يحتاج الى غربلة وعقد دورات تثقيفية مكثفه للعمل وما يتعلق به

مشاكل المرور وافراده بدات تظهر على السطح بشكل شبه يومى
وهذا بلاشك لايبشربخير لاسيما وانهم مسئولين عن السلامة المرورية ويعافبون المخالفين وتاركين انفسهم


#16966 Saudi Arabia [مستغرب 1433]
0.00/5 (0 صوت)

07-07-1433 11:29 PM
والله شارع النهضه صار لمرور بريده

علامة أستفهام


#16967 Saudi Arabia [مخلص]
5.00/5 (2 صوت)

07-07-1433 11:35 PM
اولا حمد لله على سلامته
ثانينا يادارة المرور رجل يخدم وطن وحصل عليه حادث قضاء وقدر لكن اسباب الحادث جيب ربع يمارس التفحيط وقام بحد الدوريه حتى ارتطم بعمود اناره لماذا تخفى الحقيقه حيث قام مدير المرور بسجنه اي تعسفه واساسا ادارة المرور فيها تسيب والسبب المزيني والمرشد
ثالث فهد العنزي حاط حيله على المرور والسبب فشل ادارة المزيني واتمني المصداقيه في بعض الامور وخاف الله عز وجل والظلم ظلمات يوم القيامه
رابع اذا كانت صحيفة انباء القصيم تملك الانحياد اظهار الخبر


#16971 [يعلم بالخطاء]
0.00/5 (0 صوت)

08-07-1433 01:05 AM
السلام عليكم ورحمة الله وبركاته
اولا/ المنحنى الي من دوار الوطن و انت متجه للغرب جهة اشارة الزاهد خطر جدا جدا فيه من يصطدم بالمحطه وفيه من يصطدم بالاناراة
ثانيا/اسم الدوريه اللي عليه الحادث ليس دورية مرور ومن الصوره التضح انها دوريه تابعه الدوريات الامن

ثالثا/ الله يشفي رجال الامن وبلاش من كلمة متهور لان المنحنى خطر و الله يهديكـ يافهد


ردود على يعلم بالخطاء
Saudi Arabia [المنلحس] 08-07-1433 05:13 AM
اخوي انت غلطان الدوريه تبع المرور وركز كويس

Saudi Arabia [واحد مر من هنا] 08-07-1433 07:08 AM
مرور الله يصلحك وااضحة

Saudi Arabia [سنتفيك] 08-07-1433 11:14 AM
مرور ي الحول

Saudi Arabia [واتسوون] 08-07-1433 11:15 AM
لهالدرجة م تشوووف مرور ي بن الاواادم

Saudi Arabia [زححفان] 08-07-1433 11:15 AM
الله يرججك اذا اللي بالصورة موب مرور اجل وش المرور بنظررررررك

Saudi Arabia [مستسووق] 08-07-1433 11:16 AM
شكل م عمر لحقكك جيب مرور عشان كذا م تعررفه

Saudi Arabia [م/محمد] 08-07-1433 01:47 PM
ياخوي ماتشوف انت ربع المرور والله من الهدارة


#16973 Saudi Arabia [ماجد]
0.00/5 (0 صوت)

08-07-1433 01:57 AM
المشكله بعض البزارين حقين المرور يقطع الاشارة على سرعة بغى يصدمنا انا واهلي وهي فاتحتن لنا خضرا مادريت الا مار من قدامي بسرعه جنونيه حسبي الله عليهم هالبزارين


#16992 Saudi Arabia [أبو خالد]
0.00/5 (0 صوت)

08-07-1433 08:37 AM
الله يكون بالعون بس انا شايف انوه التركيز على المرور فيه مشاكل بالدوريات الأمنيه بس ليه ما تطلع ليه ما يصورون والاصعبه شوي فيه هباش هناك هههههههه


#17004 [حمودي]
0.00/5 (0 صوت)

08-07-1433 12:44 PM
للأسف الشديد نبيهم يعقلون الناس صارهم يبي من ايعقلهم


#17005 [حمودي]
0.00/5 (0 صوت)

08-07-1433 01:29 PM
مجانييييييين


#17006 Saudi Arabia [ابو سلوم العنزي]
0.00/5 (0 صوت)

08-07-1433 01:32 PM
إلى سعادة مدير مرور منطقة القصيم

السلام عليكم ورحمة الله وبركاته

شباب اليوم هم رجال الغد ونعلم أن هناك أخطاء ولكن وش

يمنع لو كان هناك دورات قصيرة وتوجيهات وكذلك أن يكون كل

دورية مرور يكون هناك مع كل مستجد من أهل الخبرة الذين

سبقوه في العمل وخاصة أن يكونوا من كبار السن .

وكذالك الدوريات الأمنية والقطاعات الأخرى .

لأن يأأخواني نحن مكملين لبعض سواء مدنيين أو عسكريين

المقصد النصح والتوجيه لا الفضيحة والتجريح .......


#17103 Saudi Arabia [الضاري]
0.00/5 (0 صوت)

09-07-1433 03:43 PM
ردعلي الباهر اقول وش عندك ومن انت علشان وليش قاعد تتهم رجال المروربي بعدم الامانة ومن انت حتي تطالب بي محاسبتهم بلش خرط فاضي انت اكيد حاقد علشان مزرينك بي مخالفة اقول اذسموسيدي ولي العهد ووزيرالداخلية اسد السنة سيف العرب الامير نايف اعطهم الثقة انت تقدرتقول شي وبعدين انت اهتم بي الا التي علي عاتقك وانتبة لا تهور مرة ثانية وبعدين انت تقول شي ماطبقتة علي نفسك انت نسيت حساب ربك لاانك تغتب العالم مااقول الاالمزيني وجميع الموطنين الي مثل تفكيرك انتم سبب تدهورالمرور


#17138 [زياد]
0.00/5 (0 صوت)

10-07-1433 07:25 AM
لاتطقطقون فوق روسناَ
المرور بهم للعانة ويحبون الطرد بالعربي يشوف فيلم اكشن يروح يطبق غير كذا لاوقفك يطقطق عليك حتى اسلوب مافي بحياتي قسم بالله اذا وقفن مرور لاصار كبير شوي وعاقل يمشيك وغير كذا يحذرك مثل الرخصة او حزام ..الخ يعني يحرجك حتى في اسلوب
وهاذى مالقيته الا خارج القصيم صراحة
اما ببريدة مرور لااسلوب ولا في احترم ويستانس لامن صدم واحد يطاردو تلاقيه يسولف مع خوياه سويت سذا وسذا
الصدز قههر قسم بالله علي 7400 ريال اغلبية عدم وجود رخصة وكله ببريدة واللي بيقول حاقد عليهم ايه حاقد كره ماباقي الاهي


#21546 Saudi Arabia [خالد]
0.00/5 (0 صوت)

17-11-1433 06:38 AM
كل من تخرج من الثانوية قدم على الامن العام وركب دورية قام يخالف الانظمة ويهايط قدام خوياه

اقل من اسبوع ثلاث حوادث لناس المفروض انها تطبق الانظمة مب تخالفها

تحاسبون الناس ونسيتوا ان الله بيحاسبنا جميع


على العموم الحمد لله على السلامة
ويارب تكون هالحوادث عبرة لمن يعتبر وياليت لو ينتبه المسؤلين ويعالجون المشكلة لأنها بدت تستفحل


  سجل الزوار | خريطة الموقع  | الإعلانات | القائمة البريدية| إدارة الصحيفة
 
Powered by Dimofinf cms Version 3.0.0
Copyright© Dimensions Of Information Inc.
 
جميع الحقوق محفوظة لصحيفة أنباء القصيم الالكترونية @ 2013
المشاركات والتعليقات المنشورة بأسماء أصحابها أو بأسماء مستعارة
لا تمثل الرأي الرسمي لصحيفة (أنباء القصيم) الإلكترونية بل تمثل وجهة نظر صاحبها
Copyright © 1435 www.newsqassim.com - All rights reserved